Ҡаризел районында "Мин милли кейемдә уҡыйым" акцияһы 16 апрелдә юғары кимәлдә үтте. Бигерәк тә туған телдәр уҡытыусылары байрам сараларына ентекле әҙерләнде. Һәр мәктәптә, балалар баҡсаһында ойошҡанлы рәүештә милли кейем хаҡында асыҡ дәрестәр, уйындар, әңгәмәләр үтте, һүрәттәр төшөрөлдө. Балалар милли кейемдә уҡырға килде. Уларға ата-әсәләр ҙә ҡушылды: милли кейемдә фото күргәҙмә ойошторолдо. Тыуған яҡҡа һөйөү тәрбиәләү, халҡыбыҙҙың үткәнен бөгөнгө көн менән бәйләп күрһәткәндә, был акцияның роле билдәләп үткеһеҙ.
Хабибьянова Р.В., методист ИМЦ |