Башҡортостан тарихы йылы һәм Республика көнөнә арналған иншалар буйынса район конкурсына туған телдәр секцияһында башҡорт, татар һәм мари телдәрендә яҙылған барлығы 11 уҡыусының эше ҡаралды. Яңы Бәрҙәш, 2-се Ҡариҙел, Байҡыбаш, Ҡортлокүл урта, Иҫке Аҡбүләк, Абыҙ, Яугилде, Иҫке Этҡосто төп дөйөм белем биреү мәктәптәренән телһөйәр конкурсанттар район конкурсының тәртибенә ярашлы матур темалар  һайлаған. Уларҙың етәкселәре балаларҙа туған телгә ҡарата һөйөү тәрбиәләп кенә ҡалмай, инша яҙыу аша уҡыусыларҙың фекерләүен үҫтереп, дәрестәрҙә алған белемдәренә таянып, ижади һәләттәрен аса алғандар.

Башҡорт телендә яҙылған иншалар араһында I урынға Иҫке Аҡбүләк мәктәбенең 9-сы класс уҡыусыһы Хәбирова Лиана лайыҡ булды. Ошо уҡ мәктәптең 7-се класс уҡыусыһы Әлетдинова Гөлфиә II урын яуланы. Етәкселәрен  Т.Р. Хазиеваны ҡотлайбыҙ! Яңы Бәрҙәш мәктәбенең 7-се класс уҡыусыһы Ҡотлоева Әлмира (етәксеһе – Д.Ә.Суфиярова), Абыҙ мәктәбенең 9-сы класс уҡыусыһы Барченкова Кристина (етәксеһе – Г.Р.Солтанова), 2-се Ҡариҙел мәктәбенең 8-се класс уҡыусыһы Сәмиғуллина Ильвина (етәксеһе – Э.Й.Дәүләтйәнова) III урынға сыҡты.

Татар телендә яҙылған иншалар араһында Яугилде мәктәбенең 9-сы класс уҡыусыһы Ғөбәйҙуллина Аделина I урын яуланы, етәксеһе Л.М.Гәрәева.

Мари телендәге эштәр араһында Иҫке Этҡосто мәктәбенең 9-сы һәм 8-се класс уҡыусылары Аплекаева Эльвина (етәксеһе – Д.П.Аплекаева) һәм Губаев Константин (етәксеһе – О.С.Янибекова) 1-се һәм 2-се урындарҙы бүлеште.

Барлыҡ конкурсанттарҙы ла уңыштары менән ҡотлайбыҙ һәм артабан да ижади үрҙәргә өлгәшеүен теләйбеҙ!