21 февраль – һәр халыҡтың үҙ телен ҙурлау көнө. Тел – халыҡтың матди һәм рухи байлығына асҡыс, тарихи үткән менән киләсәкте бәйләр күпер. “Теле барҙың – иле бар” ти был турала башҡорт халыҡ мәҡәле. Халыҡтың халыҡ булып ҡалыуы, йәшәүе тел яҙмышы менән бәйле. Шуға күрә телде һаҡлау, киләсәк быуынға еткереү бурысы һәр кемдең иңенә берҙәй тигеҙ һалынған.
Ер йөҙөндә юғалып барған телдәрҙе һаҡлап ҡалыу маҡсатында 1999 йылда ЮНЕСКО 21 февраль- Халыҡ-ара туған телдәр көнө, тип иғлан итте. Ер шарында йәшәүсе халыҡтар 6 меңгә яҡын телдә аралаша, күптәре юғалыу сигендә.
Был байрамды билдәләү өсөн 14 февралдән Ҡариҙел районының белем биреү ойошмаларында киләһе саралар планлаштырылған:
тантаналы линейкалар;
китапханаларҙа туған телдәр көнөнә арналған күргәҙмәләр;
«Дуҫыңа туған телдә китап буләк ит» акцияһы;
«Туған телдә иң яҡшы сюжет» бәйгеһе;
«Туған тел.ру» промоакцияһы;
туған телдәр көнөнә арналған кластан тыш саралар, ял минуттары;
мәктәп кимәлендәге "Телдәр донъяһында","Иң яҡшы туған тел дәфтәре", "Туған телдә иң тасуири уҡыусы" бәйгеләре;
Халыҡ-ара туған телдәр көнөнә арналған флешмоб;
туған телдә фильмдар ҡарау;
республика кимәлендә уҙғарылған фәнни-ғәмәли конференциялар;
Халыҡ-ара туған телдәр көнөнә арналған республика дәресе;
район кимәлендәге "Туған телем - халҡым рухы" онлайн-конкурсы.